الممثلين والممثلات كانوا اكتر من السياسين واكني كان مقصود ان عدسات الكاميرات تروح لخالد ابو النجا وخالد النبوي وشريف منير واشرف عبد الباقي وعادل إماما ةلبلبة ومديحة يسري .. اكتر ما تروح علي اي حد تاني من اللي جايين يحضروا الكلمة .. !
قبل معاد الكلمة بيومين كنت سامع ان اوباما هيقابل سبع مصريين لمدة عشر دقايق بعد الكلمة .. والسبعه كانوا جايين علي هذا الاساس .. لكن في اتلغت في اخر لحظه المقابله اتلغت !
كلام اوباما مشوفتش ان عليه غبار .. وقارنت بينه وبين كلام السادات في الكنيسيت .. بس اتمني ان المقارنه دي متوصلش للتطابق في التنفيذ كمان !
تصريحات اوباما بخصوص عدم وجود حرب بين بلده وبين الإسلام .. تصريحات مش جديده علي الإدارات الامريكية سواء كانت جمهورية او ديمقراطية .. فسمعنا بوش وهو بيردد نفس التصريحات تقريبا في وسط حروب افغانستان والعراق .. لكن فيه فرق كبير ؟
واعتقد ان اهم اسباب وجود فرق هو ان ان اوباما بيحظي بشعبية في الشرق الاوسط .. شعبيه مش منطلقة من مبادئه ولا مبادئ حزبه ولا لونه .. لكن عشان هو كتجربه .. رمز للتغير .. وشعوب المنطقة المتحدثة بالعربية .. ومنظقة الشرق الأوسط فعلا مفتقدين التغيير بشكل كبير !
علشان كده تصريحاته كانت ليها مذاق تاني عند المتلقين .. وفيه حد أدني من الثقه اتجاه ..
خصوصا ان لسه معملش حاجه ضد تصريحاته .. بالعكس .. اول قرار خده لما مسك الإدارة مكانش بخصوص الإقتصاد ولا جنرال موتور ولا حتي الهالث كار .. ولكن كان بخصوص جوانتانامو
حديث اوباما عن الدمقراطية ودعم حقوق الإنسان .. شفته حديث مايع شوية .. لانه بيصب في فكرة .. -ربنا يسهل إن شاء الله .. لكن بالنسبه لي جه اكتر من المتوقع .. خصوصا بعد حوار البي بي سي الأخير
في النهاية .. اتمني ان يكون ده وقت الأفعال
No comments:
Post a Comment