197 is the number of this post
وصلت القاهره امبارح من نبراسكا مرورا بشيكاغو والمانيا .. الرحله كانت اقل تبعا من الذهاب والحمد لله وصلنا الوطن وبوسنا ارض المطار
الرحله الاولي كانت لواشنطن ونيويورك واماكن تانية زي ساركيوز وهوستن ونورث كارولنيا
.. مبصوط اني كنت واحد من تمانية اللي عملوا كلوا ده ..ومبصوط اني كنت محظوظ في اني اروح نبراسكا .. ومبصوط اني كنت في فريق واحد مع ميرال .. اللي كانت ساعات بتلعب دور انيس عبيد بمنتهي الشطارة ..
مبصوط ان البرنامج كان مع مركز أدهم وكل الناس اللي هناك مستر لوريس وصوفيا وكارول وساره
واخيراً .. سعادتي كلها اللي عمال احكي فيها ... كانت هتبقي ناقصه كتير لو كان الموضوع كله مر من غير شئ معكنن حتي لو صغير واتفه من اني اذكره ..
عشان كده التوازن الكوني يبقي معدول يامانكي
اللي اقصده انه .. بذمتكوا .. مش لو كان البلوج مر بسلام من غير تعليقات أحدهم النكره اللي كان بيتفنن في ان تعليقاته تًبظ صفار وبياض
كان هيبقي دمه تقيل .. اهو كده برضه " ماك سينس " .. وبمناسبة الصفار والبياض .. انا كلمت الميلودي مان يتصرف معاه .. اهو .. هما أجدر بالتعامل مع بعض
-
ولا لو مثلا بعد الرحلتين دول مكناش قرينا بوست إحداهن اللي يفطس من الضحك .. واللي قالت فيه كلام كتير مكنش فيه صح غير انها هبله وحمقاء .. ومش اي حمقاء يعني :-)
.. نهايته .. مبروك ياشباب .. مش مبروك عشان اوباما كسب ولا مبروك عشان ماكين خسر .. مبروك عشان احنا عملنا المهمه كامله وبنجاح
اقابلكوا في نجاح تاني
محمود صابر
القاهره , مصر
8 -11-2008
6.30 PM
6.30 PM
No comments:
Post a Comment