أعلام منكسة

تصادف أن أكون في واشنطون أثناء الإحتفال بالذكرى السابعة لحداشر سبتمبر
أمريكا عادي
والتلفزيون عادي جدا كله إنتخابات وبايلين وإعلانات ماكين ضد أوباما
ما تاخدش بالك الا لما تلاحظ الأعلام المنكسة على كل المباني
حتى بعض المباني نسيوا ينكسوا العلم
لكن ده مش معناه إنهم نسيوا
حضرنا إفتتاح جلسة في ذا هاوس
ده زي مجلس الشورى كده
بيبتدوا الجلسة بكلمة من قسيس وبعدين بيحيوا العلم
معظم السيناتورز كانوا مزوغين زي عندنا مع إن مفروض فيه كلمتين عن حداشر سبتمبر
وكان فيه سيناتور بقف جمهوري قعد يتكلم عن غزو العراق
كان هاين عليا اقول له كس امك بعلو حسي
وكانت ها تبقى سابقة في الكونجرس
آه ما أنا كنت قاعد في مقصورة الصحافة في الكرسي المخصص بالإسم لوكالة أسوشيتدبرس
الباشوات السيناتورز بقى ما ظهروش غير لما كاميرات التلفزيون ظهرت
بيفكروني بقيادات حركة كفاية
عملوا وقفة على سلم الكونجرس مع أدعية دينية وأغاني وطنية

وده كان إحياء امريكا لذكرى حداشر سبتمبر