Wednesday, September 10, 2008

تك ..تك.. تك

إستحاله تقدم أو تأخر ..هي زي ما هي ..زي الساعه بالظبط.. تِك .. تِك .. تِك
بعد ما صحيت من النوم في اول يوم وخدت اكتر من خمس دقايق علشان افتكر اني عبرت الأطلنطي واني في قاره تانية فضولي زقني انزل ومعملش حاجه غير اني ابض في الشارع اللي فيه الاوتيل .. اول ما مشيت افتكرت في حد بيزع قهوة علي اول الشارع .. لاني كل اللي جايين ماسكيم في إيدهم كباية قهوة ملفوفه بمنديل وبيمشوا بخطوات سريعه ..دخلت إشتريت حاجه اكلها عالصبح .. ورجعت الاوتيل علشان اقابل باقي الجروب ونبدأ يومنا العملي .. اللي بدأفي مؤسسه صحفيه خدنا اوفر فيرو للمره التالته عن الإنتخابات وإزاي التصويت بيحصل .. كان الحدث طبيعي ومش مختلف كتير عن اي سيمينار ممكن يتقال في وورك شوب في الصومال مثلاً بصرف النظر..
بعيها مباشرةً رحنا مكان تاني يشبهه كتير في كل شئ .. الشكل والمناخ .. والكلام اللي بيتقال ..
لما جت الساعه واحده .. إتجهنا لمكان الغدا .. والدنيا قامت مدياها مطره .. وبكل بساطه الناس كلها واكنهم بعد إتفاق مسبق كل واحد طلّع شمسيته ومشي .. مش بقولكوا تك
.. تك .. تك
وفي مكان الغدا الطابور طويل ولافف .. مفيش حد بيفكر مجرد تفكيرؤ فيس إنه يكسره او يعديه او يقول معلش اصلي مستعجل والله .. تك .. تك .. تك

الشئ المشوق في اليوم كان لما رحنا مقر راديو هناك .. وانا اللي جاي في دماغي إنها محطة راديو يعني .. ممكن تون كام دور في عمارة علي أستديوا بث والتاني تسجيل وكان اللي بالسر عليم .. لكن يامعلم الحاجات اللي اتشافت تخليك تعيد النظر في اي شئ حواليك ليه علاقه بالإعلام .. كان شئ مشوق بالنسبة لي اني اعرف ازاي اذاعه بتشتغل .. اذاعه إذاعه يعني ..

تك .. تك .. تك

1 comment:

lisanews said...

Mahmoud, I am trying to reach you. I am from the Univ. of Nebraska and I believe I may have met you while I was in Cairo with AUC Journalism bootcamp over the summer. Can you include an email address so that I may reach you?

Lisa Munger, Lincoln, Neb.