Tuesday, September 16, 2008

ستيمية كلمة يالطفي !

طب وبعدين بقي في الشغلانه دي !
مطلوب مني اني اكتب مقاله اكتر من ستيمية كلمة بالانجليزي ... وانا اصلاً مش صحفي ولا بتنيل اكتب فورمال الا قليل بالعربي .. فإيش بالك بالانجليزي يانجم!
ده طبعا التارنينج بتاع الهافنبوست .. اللي بنقعد في قوضه لطيفه وجمبينا ميا وقهوة وشاي وهدوء عام في المكان وكله قشطه وبيس يعني انه يخليك تكتب وتمخمخ ! .. بس مش انا .. انا بقي مش بحب الحاجات المظبوطه في المطلق .. يعني انا لو في قوضة نومي بصيت حواليا ولقيت كل حاجه في مكانها .. بتنرفذ .. لان الحياه مش المفروض ان تكون كل حاجه في مكانها .. لازم يكون فيه حبة لغبطة
يعني اقوم اعوج برواز .. اكتب في ورقة شغبطه واحطها قدامي .. اعوج سجاده ..
هنا بقي الحاجه في مطرحها زياده عن اللزوم .. بتنرفذ لما ادخل الاقي الهاوس كيبينج خللي القوضه اللي قاعد فيها ولا ساعة بيج بين !
الحال ميختلفش كتير عن الجورنال اللي فيه التارنينج .. مكاتب جنب بعضها بهضها .. بس بعد اللي الدريني قاله .. الواحد برضه لما يشوف بلاوي الناس تهون عليه بلوته.
المهم بقي انا حصلت علي اوفر لطيف اوي من ميرال .. اني ممكن اكتب بالعربي وتترجم .. بس للاسف مفيش كروت شحن هدية
بس برضه الحكاية اني مش داخل دماغي ان هكتب مقال ستيمية كلمة ... وان المفروض يكون هوا ده التارنينج !

4 comments:

EgyDiva said...

3al 2a2al 3andokom training aslan! ana a3da hina 3al blog we 3al facebook we bas haha... ana kaman momkin atergimlak law 3ayez.

EgyDiva said...

wel mafrood titktibo 600 kilma 3ala eh?

Anonymous said...

ستمية كلمة عن الإنتخابات .. اكتب بقي ستوري من دماغك ..
شفتي الهنا :D

Wael Abbas said...

إكتب وانت ساكت ياد
ده احنا هنا محدش عبرنا ولا قلنا اكتبوا حتى تلاتين كلمة